2007/05/25

Agurra

Hau izango da blog honetan idatziko dudan azken artikulua, hau da, nire agurra.

Espero dut zuei nire bloga interesgarria iruditu izatea, behintzat ni horretan saiatu naiz, artikulu atseginak idazten. Udaleku desberdinei buruzko informazioa eskaini dut hemen, baina oraindik udaleku ugari daude nire blogan sartu ez ditudanak, horrexegatik blogean dauden bilatzaileetan sar zaitezkete beste udalekuen informazioa eskuratu nahi baduzue.

Amaitzeko, blog hau egiten informatikari buruzko gauza pila ikasi ditudala esan behar dut, eta naiz eta hasieran nondik hasi ere ez jakin, pixkanaka-pixkanaka nire bloga osatzen gustura ibili naizela.
Eskerrik asko nire bloga bisitatzeagatik, ondo ibili!!!!

*Lorea Arriola*


2007/05/24

The Farm Araba

Hona hemen 8-16 urte bitarteko ume eta gazteentzeko lau aukera desberdin egonaldi atsegin bat igarotzeko. The Farm Araba-k Euskadiko lurraldetan udaleku desberdinak antolatzen ditu ingelesan trebatzeaz gain, partaideek giro lasai, osasuntsuan eta dibertigarri batean ekintza desberdinak egingo dituzte.

Udalekuen eskaintza honako hau da:

-Maeztu (Araban): Hau da The Farm Araba sortu zen lekua, orain dela 10 urte. Aterpetxea Leorzan dagoen baserri berritu bat da, Maeztutik oso hurbil. Honetan logela komun bat, tailerrentzako lau gela eta jantoki bat aurki ditzakegu eta egiten diren ekintzen artean hauek dira aipagarrienak: egunero udaleko igerilekuetara irteera egiten da, inguruko ibaiak esploratzen dira eta hurbil dagoen Izki-ko parke naturalera txangoak egiten dira.



Udaleku hauetara joateko txandak hiru dira, 15 eguneko iraupena dutelarik (bi uztailean eta beste bat abuztuko bi lehenengo asteetan). Horretaz gain, hauetan parte hartzeko 8-15 urte arteko adina izan behar da.

-Zerain (Gipuzkoan): Herri hau Goierrin dago, Donostiatik eta Gasteizetik hurbil. Aterpetxe honek zortzi logela ditu, bakoitzak bere komunak eta dutxak dituelarik, eta gainera, janaria bertan prestatutakoa da.

Zerainen parte hartzeko adina 12-16 urtekoa izan behar du, bertan aurrera eramaten diren ekintzek partaideak helduagoak izatea eskatzen baitute: ikusentzunezko proiektuak grabatzea eta editatzea, ingurunea esploratzea eta mendian kanpaketan bi gau igarotzea.
Udaleku honetan uztailak 15etik 29ra doan txanda bakarra dago.

-Gorozika (Bizkaian) : Menditik eta itsasotik hurbil, Urdaibaiko Parke Naturalean eta Amorabietatik 20 minututara, Gorozikako aterpetxea aurkitzen dugu. Aterpetxea oso ongi hornituta dago, fronoi estalia duen herri lasai batean kokatuta dagoelarik.
Gorozikan egingo diren ekintzak ondokoak dira: itsasadarretik kanoan ibili, trenez hondartzara joan, mendira txangoak egingo dira non txitxiburduntzia prestatuko da eta ingelesean aritzeko giro atsegina sortzeko jarduera ezberdinak burutuko dira.

Honetan parte hartzeko txanda bakarra dago, uztailak 22tik 31ra, eta 8-12 urte bitarteko umeentzat zuzenduta dago.

-Mundaka (Bizkaian) : Eguzkia, surfa eta ingelesa. Aterpetxe honetako instalazioak oso modernoak dira eta itsasora ematen duen berdegunea eta polikiroldegi bat aurki ditzakegu honen atzean.
Honetan ekintza desberdinak antolatuko dira, hala nola: tailer desberdinak, itsasadarretik kanoan murgiltzeko irteerak, txangoak mendira... eta horretaz gain, Mundakako Surf eskolarekin surf ikastaroak egiteko aukera egongo da. Ikastaro hauek arratsaldero astelehenetik ostegunera izango dira, bi ordutakoak.

Mundakako udalekuan parte hartzeko adina 12-16 urte bitartekoa da, ekainak 30etik uztailak 8ra arteko txanda bakarra egongo delarik.
Informazio osagarria: www.todocampamentos.com

2007/05/21

Sukaldaritza: udako ikastaroak

Hona hemen bi aukera desberdin sukaldaritza atsegin dutenentzat: Artxandan (Bizkaian) Step Kanpamentuek eskaintzen dutena eta Donostin antolatutako "El txoko del Gourmet" . Udalekuak baino gehiago, hauek udako ikastaroak direla esan dezakegu, partaideek hauetan ez baitute lo egingo, ez bazkaldu, etab. Hauetan parte hartzeko adina 8-14 urte artekoa izan behar du.


-Step Kanpamentuek eskaintzen duten aukerak Day Camp Artxanda du izena. Kanpamentu hau egunekoa da, hau da, partehartzaileek han zehaztutako orduak igaro ondoren, euren bizilekuetara bueltatzen dira (ez dute han lo egiten, bazkaltzen, etab.).


Kanpamentu honek hilabete bateko iraupena du (uztailak 1etik 29ra), eta honetan partehartzaileek honako ekintzetan ibiliko dira: ingelesa informatikaren bitartez landu eta astero behin gozogintza saioak Artxandako Goiko Gozogintza Eskolaren eskutik.


Horretaz gain, bizikidetza eta adiskidetasun baloreak bultzatzeko ekintzak egingo dira, erabiliko den hizkuntza eredua elebiduna izango delarik (euskara eta gaztelania).




-"El txoko del Gourmet" Donostiko Armendariz Etxean antolatzen da. Daten arabera, goizeko edo arratsaldeko txanden artean aukera daiteke, ikastaroek bi asteko iraupena dutelarik. Lehenengo bi txandek (uztailak 3tik 14ra eta uztailak 17tik 28ra antolatutakoak) goizeko 10:30etatik eguerdiko 13:00a arteko ordutegia dute; bigarren biek (abuztuak 1etik 11ra eta abuztuak 21etik irailak 1era antolatutakoak), aldiz, arratsaldeko 17:00etatik 20:00ak arteko ordutegia dute.


Ikusi dugunez, umeek ez dute han egun osoa emango, ordutegia bete eta gero bakoitzak bere zerak egiteko askatasun guztia izango du. Hala ere, udako ikastaro honetan partaideek denboraldi atsegina pasako dute pizzak, pastelak, bonboiak, kroketak eta era askotariko entsaladak, zukuak, irabiakiak, bizkotxoak, opiltxoak... prestatzen, eta , azken finean, ezagutzen dituzten janariei haien ikutua ematen.
Informazio osagarria: www.todocampamentos.com

2007/05/19

Zaldi udalekuak

Hona hemen zaldian ibiltzea gustuko duten ume eta gazteentzako aukera paregabea: Goikomendi zaldi udalekua.

Udaleku honek Bizkaian dagoen Lemoizko herrian du kokalekua eta 8-16 urte bitarteko partehartzaileentzat zuzenduta dago. Honetan, zaldien munduarekin kontaktuan egoteaz gain, umeek ingelesa ikasteko aukera izango dute, udaleku honek ingeles eta gaztelania hizkuntzen arteko eredu elebiduna aurkezten baitu. Gainera, partaideek naturarekin harremanean egoteko eta hainbat kirol praktikatzeko aukera izango dute.


Esperientzia honetan umeek bi eratan parte har dezakete: udaleku erregimenean edo eguneko kanpamentu erregimenean (bigarren honetan normalean inguruko herrietako umeek parte hartzen dute). Era berean, egonaldiak aste batekoak, bi astekoak edo hilabetekoak izan daitezke, txandak uztailean eta abuztuan zehar antolatutako direlarik.

Egunero ekitazio bi saio praktiko izango dira, eta baita eredu elebidunean emango diren bi saio teoriko. Saio praktikoak ume bakoitzaren aurreko ezagutzetan oinarrituko dira, bakoitza bere gaitasunen araberako talde batean kokatuz (kirol honekin harremanetan dauden lehenengo aldia denentzat ekitazioaren hastapenekin hasiko dira; ekitazioa gehiago menperatzen dutenak, aldiz, zaldien heziera klasikoan eta jauzietan ibiliko dira). Gainera, Espainiako Zaldi Federazio Errealak zaldizko eta amazonei ematen dien titulazio ofizialak eskuratzeko prestaketa egingo da.

Horretaz gain, beste zenbait ekintza ludikotan eta kirol desberdinetan aritzeko denbora egongo da, zaldien zainketarako eta erabilketarako saioak ere eskainiko direlarik. Hondartzara eta mendira txangoak antolatuko dira eta, orokorrean, aspertzeko denborarik ez egoteko ekintza eta taldeko jolas mordoa.
Informazio osagarria : www.babyviajes.com

2007/05/16

Bizkaiko Foru Aldundiko udalekuak 14-17 urte bitarteko gazteentzat

Bizkaiko Foru Aldundiak 14-17 urte bitarteko gazteentzako eskaintza du ere. Euskal Herriko lurralde desberdinetan eta Huescan gazteek denboraldi atsegina igarotzeko aukera dute, hala nola Amaiurren (Nafarroan), Bertizen (Nafarroan), Bidairraien (Behe Nafarroan), Gatikan (Bizkaian),Guaran (Huescan), Isaban (Nafarroan), Urdaibain (Bizkaian) eta Urduñan (Bizkaian).

*Amaiurren bakarrik 14-15 urte bitarteko gazteek parte hartu ahal izango dute, txandak sei egunekoak izango dira eta uztailan antolatuko dira (bi txanda euskarazkoak izango dira eta beste bi elebidunak).
Aterpetxea Baztango haranaren inguruetan kokatuta dago eta hemen, beste gauza batzuren artean, partehartzaileek honako ekintzak egiteko aukera izango dute: jaitsialdiak arroildetatik, hidrospeeda, piraguismoa, eskalada, tirolina, raftinga, mendi-ibiliak, eta mendiko bizikleta.

*Bertizeko udalekuek Amaiurrekoekin antza handia dute, aterpetxea Baztango haranean kokatuta dago eta parte hartu nahi duten gazteak 14-15 urte bitartekoak izan behar dira baita. Txandak sei egugunekoak izango dira (uztailan) eta euskarazko hiru txanda eta elebidun ereduko bakarra egingo dira. Ekintzen eskaintzari dagokienez, Amaiurren aipatutako ekintza berdinak antolatuko dira.

*Bidarrain 16-17 urteko gazteek baino ez dute parte hartzeko aukerarik izango, uztailean zehar burutuko diren sei eguneko txandetan (guztiak euskarazko ereduan).
Bidarraiko aterpetxea Iparlaren mendibarrenean kokatuta dago, paisaia paregabe batez inguratuta, ekintza zein arrisku kirol desberdinak praktikatzeko aproposa, adibidez: raftinga, tirolina, hidrospeeda, eskalada, jaitsialdiak arroiletatik, mendi-ibiliak...

*Gatikako aterpetxeak Butroe ibaietik hurbil du kokalekua, Butroeko gaztelu ikusgarria bere inguruetatik dagoelarik. Udaleku hauek 14-15 urte arteko gazteentzat zuzenduta daude eta uztailean eta abuztuko lehenengo astean antolatukoa dira, sei eguneko txandak izango direlarik (guztiak euskarazkoak, uztailak 8tik 14erako txanda elebiduna izan ezik).
Gatikako udaleku hauetan partaideek honako ekintzetan arituko dira: surfan, mendi-ibileretan, kanoetan, bodyboardean, rappelean eta eskaladan.
*Guara Huescan kokatutako aterpetxea da. Bere inguruko paisaia oso berezia eta miresgarria da, troka sakonez eta kareharrizko harkaitzez beterik, eta hurbil hainbat ibai inguruko mendietatik jaisten dira. Inguru honek hainbat ekintzetan aritzeko aukera paregabea eskaintzen du: jaitsialdiak haitzarteetatik, eskalada, tirolina, mendiko ibilerak eta bizikleta... Gainera, tokiko kultur ondarea ezagutzeko irtenaldiak prestatuko dira.
Hala ere, udaleku honetan 16-17 urte bitartekoek bakarrik haien sei eguneko egonaldiak igarotzeko aukera izan dute, uztailean, eta txanda guztiak elebidunak izango direlarik.

*Isabako aterpetxea Erronkari Bailaran kokatuta dago, Nafarroako Pirinioetan. Tokiko paisai zoragarrietaz eta naturarekiko harremanaz gozatzeko leku paregabea da, eta horretaz gain udalekuak antolatzen dituen ondorengoko ekintzetan aritzeko: raftinga, hidrospeeda, jaitsialdiak haitzarteetatik, eskalada, espeleologia eta parapente hastapenak, goi mailako trekkinga eta mendi bizikleta.
Honetan izena eman ahal izateko, 16-17 urte bitartekoa izatea beharrezkoa da. Uztailan zehar sei eguneko lau txanda antolatuko dira, bi euskarazkoak eta beste bi elebidunak izango direlarik.

*Urdaibaiko udalekuak aukeratzen dituzten gazteek, Bizkaiko kostaldeko ingurune miresgarrienetariko batean kokatu dagoen Arketa Kanpinean sei eguneko egonaldi zoragarria bizitzeko aukera izango dute. Txandak uztailean izango dira eta bi baino ez dira antolatuko, biak euskarazko eredukoak eta 16-17 urte bitartekoentzat zuzenduta.
Ondoren aipatuko diren ekintzetaz gain, parte hartzaileek bertako kultur ondare aberatsa, tradizoak, ohiturak, etab. ezagutzeko aukera izango dute. Udaleku hauetan burutuko diren ekintzak honako hauek dira: piraguismoko, eskaladako, itsas kayak-eko eta surf-kayak-eko hastapen- urratsak, mendiko bizikleta, mendi-ibiliak eta ibilbide kulturalak.

*Garobel mendilerroak inguratuta dagoen Urduñako aterpean, baso zabal eta Nerbioi ibaiaren ur jauzietatik hurbil, 14-15 urte bitarteko gazteek parte hartzeko aukera izango dute, abuztuak 1etik 14era antolatuko den txanda bakarrean. Beste gauza batzuren artean, egonaldi hau ingelesa praktikatzeko zuzenduta dago, horrexegatik egunero 4 orduko ikastaroak egongo dira, partaideen mailaren araberako taldeak eginez. Bertako hizkutza eredua, hortaz, euskara eta ingelesekoa izango da.
Aterpetxearen kokalekuaren orografiak hurrengo ekintzak praktikatzeko toki aproposa izatea ahalbidetzen du: mendiko bizikleta, mendi-ibiliak, orientazioa lantzeko ariketak eta kultura ibilbideak. Gainera, aterpetxean bertan igerilekua eta kirol-instalazioak daude.
*Oharra: hemen aipatutako edozein udalekuetan parte hartzeko ezinbestekoa da igeri egiten jakitea.

Informazio osagarria: www.bizkaia.net





Nazioarteko udalekuak

13-17 urte bitarteko gazteentzat ingeles hizkuntzan murgiltzeko aukera paregabea dago, Hemingway institutuak antolatuta. Udalekuen kokalekua Arabako Villanañe herria da, Valdegovía-ko haranean. Inguru honetan patrimonio artistiko-kultural ugaria dago eta paisaia paregabeak, Valderejo-ko parke naturaletik hurbil baitago.
Udaleku hauetan herrialde desberdinetako 50 neska-mutil elkartuko dira, beste gauza batzuren artean, ingelesa edo gaztelania ikasteko (haien eratorriaren eta hizkuntzaren menperamenaren arabera).

Egunero hizkuntza ikasteko saioak egongo dira (hauetan erabiliko diren material didaktikoa han emango da), baina baita naturarekin harremanean egoteko irteerak, ekintza ludiko eta kirolarekin erlazionatutakoak, eta inguruko kultura ezagutzeko aukera egongo da.

Horretaz gain, gazteengan balore desberdinak barneratzeko udaleku aproposak dira hauek, hala nola: autonomia, talde-lanari ekitea, lagunartekotasuna, herrialde desberdinetako jendea ezagutzea...

Udaleku hauek ekainak 25etik uztailak 29ra antolatzen dira, partehartzaileek bertan gutxienez aste bat eta askoz jota lau aste igaro dezaketelarik. Hala ere, uztailak 9tik 15era ez da udalekurik antolatzen ez dela jakitea garrantzitsua da. Gainera, partehartzaileak erregimen desberdinetan egon daitezke: aterpetxean egun osoa pasatzeko aukera dute, bertan lo eginez eta guzti, klaseetara joan eta han bazkalduz gero haien etxera lo egitera joanez, edo, azkenik, aterpetxera bakarrik klaseetara joanez. Normalean ikasle kanpotarrak dira aterpetxean egun osoa igarotzen duten gehienak.
Informazio osagarria : www.institutohemingway.com

2007/05/12

Pinpoil Udalekuak



Pinpoil Ocio asti talde batetaik sortutako enpresa da, hauek aisialdi, animazio eta hezitze proiektuen kudeaketaz arduratzen dira. Beste gauza askoren artean, umeei eta gazteei zuzendutako udalekuak antolatzen dituzte Burgosen dagoen Cornejo herrian eta Euskal Herriko hainbat lekutan.


Zenbait udaleku desberdinen artean aukeratzeko eskaintza dago, eta udaleku guztietan bezala, adinen araberako txandak edota taldeak antolatzen dira. Aterpe bakoitzean egonaldiek luzaro desberdina ( eta beraz, prezio desberdina) dute, eta hizkuntza ereduen eskaintza desberdina da.

Hona hemen Pinpoil Ocio-koek eskainitako udalekuak:

-Sopelako kolonia irekiak: hemen umeek hondartzan kirolak eta jolasak egiten dituzte, egun osoko irtenaldiak, taldeko ekintza desberdinak et a tailerrak egiteko aukera izango dute. Hizkuntz eredua elebiduna izango da.
-Bakioko Surf udalekuak: surfa atsegin dutenenentzat udalekurik aproposena dugu hau. Egunero surf klase praktikoak eta teorikoak emango dira eta horretaz gain, beste kirol interesgarri asko praktikatzeko aukera egongo da : rappel, tirolina, eskalada... Gainera, ekintza desberdinak, tailerrak, jaiak eta irtenaldiak antolatuko dira egonaldia ahalik eta dibertigarrien izan dadin.
Hizkuntza eredua elebiduna da.

-Gueñeseko udalekuak: hauek euskarako erduan egingo dira bakarrik eta uztailean antolatuko diren bi txandetan 6-12 urte bitarteko umeek baino ezin izango dute parte hartu. Hemen umeek tirolina, futbola, arku-tiroa eta beste hainbat kiroletan aritzeko aukera izango dute, antolatutako tailerretan eta ekintzetan ibiltzeaz gain.

-Kornejo aterpetxeko multiabentura udalekuak: udaleku hauek ume eta gazte abenturazale eta aktiboentzat zuzenduta daude. Hauetan eskalada, espeleolologia, tirolina, mountain bike, piraguismoa... praktikatu ahal izango dute, eta udalekukoek antolatutako beste hainbat ekintza, irteera eta tailerra ugarietan ibiltzeko aukera izango dute.
Uztaila eta abuztuan zehar txanda desberdinak egingo dira,eredua elebiduna izango delarik.
Kornejon bertan badugu ere Gazte auzolandegia. Hau 14-17 urte bitarteko gazteentzat zuzenduta dago eta txanda bakarra dago abuztuan, eredua elebiduna delarik. Udaleku hauetan, abentura kirolak, jaiak, tailerrak eta txangoak izateaz gain gazteak zonaldeko eraikin tipikoen berrikuntzan arituko dira (honela, gauza askoren artean talde-lanaren garrantziaz ohartuko dira).
Azkenik, Kornejon ere badugu ingelesa praktikatzeko aukera paregabea, abuztuan antolatzen diren English Summer Camp udalekuetan. Goizero ingeles klaseak emango dira eta ingelesa praktikatuko da ekintza desberdinen bitartez: jaiak, tailerrak, antzerkiak... Gainera, egonaldiko azken egunean Trinity azterketa egingo da, hau prestatzeko zuzenduta baitago udaleku hau. Ingelesa hain garrantzitsua delarik, hizkuntza eredua ingelekoa izango da

-Futbol kanpusa Uribe Kostan:uztailan eta abuztuan zehar, 6urtetik gorako ume eta gazteek Barrikan antolatzen den futbol kanpusean aritzeko aukera izango dute, goizeko 9.30etatik arratsaldeko 17.30ak arte. Hara joateko autobus zerbitzua eskainiko da eta hizkuntza erdua elebiduna izango da.
Informazio osagarria: www.pinpoil.com






2007/05/07

Gaztedi klub-eko udalekuak



Uda guztietan bezala, BBK-ak bazkide diren ume guztientzako udalekuen eskaintza egiten du (hauetan parte hartzeko Gaztedi Klub-eko partaide izatea nahitaezkoa da). Udaleku hauek ekainean eta abuztuan antolatzen dira 7-13 urte bitarteko umeentzat. Partaideek bi egoitzen artean aukera dezakete: Urdaibain kokatzen den Sukarrietako aterpetxea, edo Arabar Errioxan dagoen Briñaseko egoitza. Eskolako ikasturtean zehar, bi egoitza hauek ikastetxeek aste bateko egonaldiak antolatzeagatik ezagunak dira ere, hala ere, bertan egiten diren ekintzak, irtenaldiak etab. desberdinak izaten dira.




Udalekuekin jarraituz, txandak 15 egunekoak izaten dira eta umeen adineraren araberako taldeak sortuko dira haien egonaldia ahalik eta erosoen izan dadin. Gainera, euskarazko eredua edo eredeu elebiduna eskaintzen da.




Egoitzaren arabera, ekintza desberdinak egiteko aukera izango dute umeek: Sukarrietan itsas kirolekin eta naturarekin erlazionatutako zeretan ibili ahal izango dira, inguru paregabea duen egoitzan. Briñasen, aldiz, mendiko kirolak, zaldi ibilketa eta beste hainbat gauzatan arituko dira. Horretaz gain, bi egoitzetan eskulanak, jolasak, taldeko ekintzak, irtenaldiak... egiteko denbora egongo da, eta egunero egoitzetan bertan dauden igerilekuetara joateko aukera izango dute.




Garrantzitsua da aipatzea txanda bakoitzeko asteburu batean gurasoek haien umeei bisita egin ahal izango dietela. Ume batzurentzat haien gurasoengandik urrun egongo diren lehenengo aldia izango denez, bai umeak bai gurasoak, lasaiago egoteko onuragarriak izan ohi dira bisita hauek.

Informazio osagarria : www.bbk.es



2007/05/02

Bertso udaleku eta barnetegiak

Bertsozaleak diren gazteentzako udaleku aproposenak eskaintzen die Euskadiko Bertsozale Elkarteak. Hauek, Ligi-n (Zuberoan), Sopelan, Elgoibarren eta Araban dagoen Zuhatza uhartean kokatuta daude, 9-18 urte bitarteko ume eta gazteei zuzenduta daudelarik.
Udaleku hauetan, bertsotan aritzeko, bertsolari famatuen bisitak jasotzeko, lagun berriak egiteko, eta ,orokorrean, txangoak egiten, jolas eta kiroletan aritzen... denboraldi atsegin bat igarotzeko aukera dago.
Aterpetxearen eta ume eta gazteen adinen arabera, txanda desberdinak eskaintzen dira :
*Ligi-n 9-12 urte bitarteko umeentzako txanda bakarra dago, uztailako 8tik 14ra, salneurria 150eurokoa delarik.
*Sopelan 12-15 urte bitartekoentzat uztailak 12tik 21era txanda eskaintzen da, 165euroko salneurriaz.
*Elgoibarrren Sopelan egiten den eskaintza berdina dago, baina 15-18 urte arteko gazteentzat zuzenduta dagoelarik.
*Zuhatza-n, azkenik, 9-12 urte bitarteko umeentzat irailak 3tik 6ra txanda hartzeko aukera dago, salneurria 80eurokoa delarik.
Horretaz gain, udaleku bakoitzak ekintza desberdinak eskaintzen dituela esan beharra dago, batez ere haien kokalekua dela eta; Sopelan gazteek surf-a egin dezakete, Zuhatzan ur-kirolak, Elgoibarren mendi irteerak... aspertzeko ez da denborarik egongo.
Informazio osagarria: www.bertsozale.com